«Մանչեսթեր Յունայթեդի» բանակցություններն ակումբի գլխավոր մարզիչ Ժոզե Մոուրինյոյի հետ նոր պայմանագրի շուրջ, հավանաբար, նոյեմբերին կմեկնարկեն, սակայն ստորագրմանը միայն 2018-ի ամռանը կարելի է սպասել:
Մոուրինյոյի հետ նոր պայմանագրի քննարկումներում առանցքային կլինեն թիմի արդյունքները ընթացիկ խաղաշրջանում, սակայն մինչև ամառ գործարքը կնքելու համար ակումբում մտադիր են բավականին շուտ սկսել քննարկումները:
«Մանչեսթեր Յունայթեդը» չէր ցանկանա, որ թիմի հաջող ելույթների դեպքում Մոուրինյոն հաջորդ խաղաշրջանը սկսի ավարտին մոտեցող պայմանագրով, գրում է «Սովետսկի սպորտը»:
54-ամյա պորտուգալացու նախորդները՝ Դևիդ Մոյեսն ու Լուի վան Գալը 2 տարուց ավելի չեն զբաղեցրել գլխավոր մարզչի պաշտոնը:
«Մանչեսթեր Յունայթեդը» 9 միավոր է հավաքել պրեմիեր լիգայի մեկնարկային 3 խաղում՝ ընդհանուր առմամբ 10:0 հաշվով հաղթանակներ տոնելով: 4-րդ տուրը տեղի կունենա սեպտեմբերի 9-ին՝ «Մանչեսթեր Յունայթեդը» կհյուրընկալվի «Սթոք Սիթիին»: