Ադրբեջանի ֆուտբոլի ֆեդերացիաների ասոցիացիան բողոքի նամակ է հղել Ռուսաստանի ֆուտբոլային միությանը ՌԴ երկրորդ դիվիզիոնի «Արարատ»-«Ռյազան» հանդիպման ժամանակ տրիբունաներում Արցախի դրոշի ցուցադրման համար:

«Արարատ»-«Ռյազան» հանդիպումը տեղի է ունեցել սեպտեմբերի 7-ին և ավարտվել է մոսկովյան ակումբի հաղթանակով: Խաղի ամբողջ ընթացքում հայ երկրպագուները ծածանել են Հայաստանի և Արցախի դրոշները:

«Նամակում խստորեն դատապարտվում է Արցախի դրոշի ցուցադրման փաստը և խնդրվում է միջոցներ ձեռնարկել»,-ասել է Ադրբեջանի ֆուբոլի ֆեդերացիաների ասոցիացիայի տեղեկատվության և հանրության հետ կապերի դեպարտամենտի պետ Միկաիլ Նարիմանօղլուն, հայտնում է Rusarminfo-ն Report-ի վրա հղումով: