iPhone 8-ի, iPhone 8 Plus-ի, Apple TV 4K և Apple Watch Series 3-ի առաջին պատվերները սկսել են գնորդներին առաքվել հայտարարված ժամկետից՝ սեպտեմբերի 22-ից մի քան օր շուտ:
Apple-ը չի թարմացրել Preparing for Shipment (պատրաստվում է առաքման) պատվերների բաժինը, սակայն արագ առաքման UPS (United Parcel Service) ծառայության միջոցով կարելի է հետևել մի քանի առաքումների ճանապարհը, գրում է Ferra.ru-ն MacRumors-ի վրա հղումով:
Ինչպես նշել են MacRumors ֆորումի մասնակիցները, iPhone 8-ի և 8 Plus-ի պատվերներից շատերը Փենսիլվանիայից են գալիս, մինչդեռ Apple Watch-ի և Apple TV 4K-ի որոշ պատվերներ Չինաստանից:
iPhone 8-ի, iPhone 8 Plus-ի, Apple TV 4K և Apple Watch Series 3-ի առաքումների և վաճառքի մեկնարկի պաշտոնական ամասաթիվը սեպտեմբերի 22-ն է: Սեպտեմբերի 15-ից Apple-ի նոր սմարթֆոնները, հեռուստացույցի կցորդ սարքն ու սմարթ ժամացույցը կարելի է պատվիրել մի շարք երկրներում: