«Մանչեսթեր Սիթիի» ղեկավարությունը պատրաստ է ֆուտբոլի պատմության մեջ ռեկորդային € 400 մլն վճարել «Բարսելոնայի» հարձակվող Մեսսիի համար:
Անգլիական ակումբի ներկայացուցիչները մշտական կապ են պահպանում 30-ամյա արգենտինացի ֆուտբոլիստի ներկայացուցիչների հետ: «Մանչեսթեր Սիթին» լիովին պատրաստ է Մեսսիի հնարավոր տրանսֆերին, եթե վերջինս ցանկանա տեղափոխվել անգլիական Պրեմիեր լիգա, գրում է sport.ru-ն AS-ի վրա հղումով:
Ավելի վաղ «Բարսելոնայի» նախագահի նախկին թեկնածու Ագուստի Բենեդիտոն հայտարարել էր, որ կատալոնական «Բարսելոնայի» նախագահ Խոսեփ Մարիա Բարտոմեուն ստում է, որ արգենտինացի հարձակվող Լիոնել Մեսսին արդեն երկարացրել է պայմանագիրն ակումբի հետ: Եթե Մեսսին իրոք չի երկարացրել պայմանագիրը, ապա նրա ժամկետը սպառվում է ընթացիկ խաղաշրջանի ավարտին: