Ռուսական «Ռոսիա 24»-ը հատուկ ռեպորտաժ է ցուցադրել Հայաստանի մասին՝ բացահայտելով «Հայկական երջանկության» առանձնահատկություններն ու որոշ փաստեր ներկայացնելով երկրի կյանքից:
Հեռուստաալիքի թղթակից Անտոն Բորիսովը շեշտը դնում է հիմնականում փոքր ու միջին բիզնեսի վրա՝ ներկայացնելով, թե ինչպես նե հայերը ռեստորաններ բացում, խեցգետին որսում Սևանում կամ ձուկ ռեստորանների համար, խաղողի սեփական տեսակն աճեցնում և զվարճանքների զբոսայգի բացում, կամ էլ, շարունակելով հնագույն ավանդույթները, խաչքարեր քանդակում ու ձեռագործ գորգեր պատրաստում, ինչպես դարեր առաջ:
Ռեպորտաժում ցուցադրված է թե ինչպես են պատրաստում հայկական լավաշը, հորած պանիրը: Ռեպորտաժի հեղինակը հիշեցնում է, որ լավաշն ընդգրկված է ՅՈւՆԵՍԿՕ-ի ոչ նյութական ժառանգության ցանկում: Բորիսովը շեշտում է նաև, որ Հայաստանում վերջին տարիներին բավականին լավ է զարգանում ընտանեկան բիզնեսը՝ այցելելով, օրինակ, Երևանի ռեստորաններից մեկը:
Ռեպորտաժում ասվում է, որ ռուսաստանցիներին Հայաստան այցելելու համար վիզա հարկավոր չէ, իսկ 2016-ին Հայաստան է այցելել մոտ 1 մլն զբոսաշրջիկ:
