Իսրայելական ստարթափը մեղադրել է Apple-ին իր արտադրած սմարթֆոնի տեսախցիկի տեխնոլոգիան գողանալու մեջ: BBC-ի փոխանցմամբ՝ Թել Ավիվում տեղակայված Corephotonics ընկերության հայցն ընդդեմ Apple-ի Կալիֆորնիայի Սան Խոսե քաղաքի դաշնային դատարանում է:
Corephotonics-ը $50 մլն կապիտալ ունեցող ընկերություն է, որը մշակել է dual տեսախցիկի տեխնոլոգիան սմարթֆոնների համար: Ըստ ընկերության՝ տեխնոլոգաին կիրառվել է iPhone 7 Plus-ի և iPhone 8 Plus-ի մեջ՝ առանց հեղինակային իրավուքների ձեռքբերման:
Ընկերության ղեկավար Դևիդ Մենդլովիչի խոսքով՝ իրենք նախկինում Apple-ին համագործակցություն առաջարկել են, վերջինս գնահատել է տեխնոլոգիան, սակայն մերժել է դրա համար արտոնագիր ձեռք բերելու առաջարկը:
Apple ընկերությունն արտադրում է իր սեփական dual տեսախցիկները, որոնք չեն իջեցնում նկարի որակը zoom անելուց հետո: Ընկերությունից այս առիթով դեռևս մեկնաբանություն չկա, գրում է ԶԼՄ-ն:
Corephotonics ընկերությունը գործակցում է Samsung Ventures, Foxconn, MediaTek ընկերությունների հետ, որոնցից նա $15 մլն ներդրում է ունեցել: