Մարզական նորությունների ռուսական Championat կայքը կազմել է ֆուտբոլի այն աստղերի ցանկը, որոնք չեն մասնակցի աշխարհի առաջնությանը: Բուֆֆոնի, Օբամեյանգի, Բեյլի, Ռոբբենի թվում նշված է նաև Հայաստանի ֆուտբոլի հավաքականի և «Մանչեսթեր Յունայթեդի» կիսապաշտպան Հենրիխ Մխիթարյանի անունը:
Ինչպես գրում է կայքը, չնայած Հայաստանի հավաքականը դեռևս չի մասնակցել խոշոր միջազգային մրցաշարերի, Հենրիխ Մխիթարյանն«ազգի հերոս է»:
«Հայրենիքում նրա մասին բոլորը գիտեն երեխայից սկսած և վերջացրած տատիկով, որը երբևէ ֆուտբոլ չի նայել: Համաժողովրդական սեր՝ թերևս միայն դա կարող է Հենրիխը ստանալ երկրի հավաքականի կազմում հանդես գալուց»,-ասվում է հոդվածում:
Մխիթարյանից բացի 2018-ի աշխարհի առաջնությանը չմասնակցող ֆուտբոլի աստղերի ցանկում են. Ջանլուիջի Բուֆֆոնը (Իտալիա), Գարեթ Բեյլը (Ուելս), Պիեռ-էմերիկ Օբամեյանգը (Գաբոն), Արյեն Ռոբենը (Նիդերլանդներ), Ալեքսիս Սանչեսը (Չիլի), Յան Օբլակը (Սլովենիա), Մարեկ Գամշիկը (Սլովակիա), Էդին Ջեկոն (Բոսնիա և Հերցոգովինա), Մարոկ Վերատտին (Իտալիա), Լեոնարդո Բոնուչչին (Իտալիա):