Կալիֆորնիա նահանագի վեհաժողովի անդամ Լաուրա Ֆրիդմանը LA Times-ին պատմել է մի քանի այլ ամերիկացի պաշտոնյաների հետ Հայաստան և Արցախ կատարած ուղևորության անմոռանալի արկածների մասին:
Ֆրիդմանը՝ որպես Գլենդելի խորհրդի նախկին անդամ, բազամաթիվ հայկական մշակութային և տոնական միջոցառումների է մասնակցել:
«Ես միշտ ցանկացել եմ այցելել պատմություն, մշակույթ և արվեստ ունեցող այս կենսասեր ժողովրդի հայրենիք»,-ասում է Ֆրիդմանը:
Ամերիկացի օրենսդիրների խումբը Երևանում այցելել է Թումո, Կասկադ, Հայոց ցեղասպանության հուշահամալիր: Ուղևորության ընթացքում նրանք հանդիպել են նաև Հայաստանի փոխվարչապետ Վաչե Գաբրիելյանի, ԱԺ նախագահ Արա Բաբլոյանի, ԱԺ փոխնախագահ Արփինե Հովհաննիսյանի, պաշտպանության նախարար Վիգեն Սարգսյանի հետ:
Խումբը եղել է նաև Արցախում, որտեղ հանդիպել է ԼՂՀ նախագահ Բակո Սահակյանի հետ:
«Ինձ բախտ վիճակվեց լինել Արցախում, ես հպարտ եմ, որ Ադրբեջանի «սև ցուցակում» հայտնվելու սպառնալիքի տակ եմ, դա ինձ համար պատվո շքանշան է»,-ասել է Լաուրա Ֆրիդմանը
Ամերիկացի օրենսդիրներին ուղևորության ընթացքում տպավորել են նաև հայկական ազգային խոհանոցը և պատմամշակութային վայրերը: