Թեհրանում մեկնարկել է լողի պատանեկան միջազգային մրցաշարը, որին մասնակցում է 10 պատանի լողորդ Հայաստանից: Այդ մասին հայտարարել է Լողի հայկական ֆեդերացիայի նախագահ Հովսեփ Մեսրոպյանը:
Մրցումային առաջին օրը 50 մետր բրաս ոճում Էդվարդ Ասատրյանը (11-12 տարեկաններ) դարձել է արծաթե մեդալակիր, իսկ Գրիգոր Գրիգորյան-Մուշեղ Կագանյան-Վահե Խաչատրյան-Ստեփան Աբրահամյան քառյակը նույն տարիքային խմբի 4x50 մետր ազատ ոճ փոխանցալողում նվաճել է հաղթողի կոչումը: Այս քառյակը հավասարը չի ունեցել նաեւ 4x100 մետր փոխանցալողում, հայտնում է ՀԱՕԿ լրատվականը:
Մրցումներին մասնակցում են Իրանի (8 թիմ), Հայաստանի, Թուրքիայի, Սիրիայի, Իրաքի եւ Ադրբեջանի ներկայացուցիչները: