ՀՀ Ազգային ժողովն ընդունել է «Հայաստանի Հանրապետության 2018 թվականի պետական բյուջեի մասին» օրենքների նախագիծը։

Նախագիծն ընդունվել է 64 կողմ, 35 դեմ ձայներով։ Կողմ են քվեարկել կոալիցիոն ՀՀԿ-ն և ՀՅԴ-ն։

Ընդհանուր բյուջեի ծախսերն 2017-ի 1,36 տրլն դրամից կաճեն մինչև 1,464 տրլն դրամ, եկամուտները՝ 1,21 տրլն դրամից մինչև 1,307 տրլն դրամ, բյուջետային դեֆիցիտը՝ 150 մլրդ դրամից մինչև 156 մլրդ դրամ։

Ամենանշանակալի ծախսային մասերից մեկի՝ պաշտպանության համար հատկացվող գումարը 2018-ին կկազմի մոտ 246․8 մլրդ դրամ 2017-ի 209,8 մլրդ դիմաց։ Պաշտպանության համար հատկացվող ծախսերն, այսպիսով, կաճեն մոտ 37 մլրդ դրամով կամ 17,6%-ով: Ընթացիկ փոխարժեքով պաշտպանության համար հատկացվող ծախսերը կկազմեն մոտ $518 մլն։