Հարավային Կորեան խնդրել է ԱՄՆ-ին հետաձգել զորավարժությունները մինչև Ձմեռային օլիմպիադայի ավարտը՝ նվազեցնելու համար Հյուսիսային Կորեայի կողմից սադրիչ գործողությունների հավանականությունը:
Ձմեռային օլիմպիադան անցնելու է հարավկորեական Փհենչհանում փետրվարի 9-25-ը:
Խոսքը ամենամյա Foal Eagle զորավարժությունների և փետրվարից ապրիլ անցկացվող Key Resolve զորավարժությունների մասին է: Սեուլը կողմ է, որ զորավարժությունները հետաձգվեն մինչև Պարալիմպիկ խաղերի ավարտը՝ մարտի 18-ը, գրում է ՌԻԱ Նովոստին Financial Times-ի վրա հղումով:
Հարավային Կորեայի պաշտպանության նախարարությունը հայտարարել է, որ որոշում դեռ կայացված չէ: ԱՄՆ Խաղաղօվկիանոսյան նավատորմի հրամանատարության ներկայացուցիչ Դևիդ Բեnհեմը հայտարարել է, որ Սեուլը և Վաշինգտոնը կշարունակեն քննարկել հետագա գործողությունները: