Հնդկաստանի իշխանությունները կանգնեցրել են Արգենտինայի ֆուտբոլի հավաքականի նախկին հարձակվող, լեգենդար ֆուտբոլիստ Դիեգո Մարադոնայի արձանը: Այն տեղադրվել է Կալկաթայի մեծությամբ երկրորդ հրապարակում:
Արձանը բրոնզաձույլ է, երկարությունը 3,5 մետր, գրում է Eurosport-ը:
«Ես ֆուտբոլի աստված չեմ, ես սովորական ֆուտբոլիստ եմ: Ես երջանիկ եմ կրկին այստեղ՝ Կալկաթայում հայտնվել: Զարմանալի է այստեղ սեփական արձանն ունենալը»,-ասել է Մարադոնան բացման հանդիսավոր արարողության ժամանակ:
Մինչդեռ համացանցում արձանը ծաղրի առարկա է դարձել, քանի որ նվազագույն նմանություն ունի արգենտինացի ֆուտբոլիստի հետ:
Times of India-ն գրել է, որ արարողության ժամանակ Մարադոնան գումար է հատկացրել քաղցկեղից տառապող Հնդկաստանի բնակիչների համար: