Սերժ և Անժելա Թանկյանները երկրորդ տարին անընդմեջ միացել են«Օրրանին»՝ կարիքավոր ընտանիքներին ամանորյա տոներին ընդառաջ քաղցրավենիքով և սննդով լի տոպրակներ նվիրաբերելու ավանդույթին:

Նրանց նվիրատվության շնորհիվ «Օրրանի» 215 շահառու ընտանիքին զուգահեռ մեծաքանակ պարենամթերք է ստացել ևս 212 կարիքավոր ընտանիք, որոնք ընտրվել են Գյումրիից, Վանաձորից և հեռավոր գյուղերից: Վերոհիշյալ 212 կարիքավոր ընտանիքի ընտրության և մթերքը բաժանելու գործում իրենց ներդրումն են ունեցել «Դասավանդի՛ր, Հայաստան» և «Կանանց ռեսուրսային կենտրոն» կազմակերպությունները:

Այս նախաձեռնությունը նպատակ է հետապնդում թեթևացնել կարիքավոր մարդկանց դրությունը և հույս ներշնչել վերջիններիս՝ 2018 թվականի հանդեպ լավատեսորեն տրամադրվելու համար: