ՄԱԿ-ում Միացյալ Նահանգների նախկին դեսպան, ԱՄՆ նախկին նախագահ Բարաք Օբամայի վարչակազմի առանցքային դերակատարներ Սամանթա Փաուերը և Բեն Ռոդեսը ներողություն են խնդրել, որ չեն ճանաչել Հայոց ցեղասպանությունը:
Ինչպես գրում է ամերիկյան Politico-ն, Փաուերի ու Ռոդեսի խոսքերով, 1915 թվականի կոտորածները որպես ցեղասպանություն չճանաչելու պատճառը ԱՄՆ նախկին վարչակարգի՝ Թուրքիայի հետ փխրուն հարաբերություններին վնասելու մտավախությունն էր:
«Դա սխալ էր, մենք պետք է ճանաչեինք Ցեղասպանությունը», -ասել է Ռոդեսը:
Իսկ Սամանթա Փաուերը հավել է՝ զղջում է, որ Օբամայի վարչակարգը հիասթափեցրել է Ամերիկայի հայերին:
2017 թվականին Սամանթա Փաուերը եղել է «Ավրորա» մարդասիրական մրցանակի հաղթողին ընտրող հանձանաժողովի կազմում:
ԱՄՆ նախկին նախագահ Բարաք Օբաման 2008 թվականի իր նախընտրական քարոզարշավի ընթացքում բազմիցս խոստացել էր, որ նախագահ դառնալու դեպքում ճանաչելու է Հայոց ցեղասպանությունը: Սակայն նա նախագահի պաշտոնում ոչ առաջին և ոչ էլ երկրորդ ժամկետում չիրագործեց իր խոստումը:
