Հայաստանի ազգային արխիվը 2020 թվականին 4-5 հատորից բաղկացած ժողովածու կհրատարակի ստալինյան բռնաճնշումների հետևանքով զոհված հայերի մասին: Rusarminfo կայքի փոխանցմամբ, այս մասին ասել է ՀՀ ազգային արխիվի տնօրեն Ամատունի Վիրաբյանը:
Նրա խոսքով, արդեն խմբագրվում է առաջին հատորը: Ժողովածուն հրատարակվելու է ռուսերենով:
«Հատորներում ներառվելու են հրամանները և ցուցակները: Պաշտոնապես բռնաճնշումները պատճառաբանվել են պատերազմի դեպքում պետության հնարավոր դավաճաններին չեզոքացնելու անհրաժեշտությամբ: Ես մանկուց երազել եմ բացահայտել այս մարդկանց ճակատագրերը»,- ասել է Վիրաբյանը:
Ռուսերենով կհրատարակվի նաև Առաջին հանրապետության տարիներին թուրքերին դիմադրություն ցույց տված հայ սպաների մասին պատմող հանրագիտարանը: