Հայաստանի ազգային հավաքականի կիսապաշտպան Հենրիխ Մխիթարյանն իր՝ արդեն նախկին ակումբ «Մանչեսթեր Յունայթեդի» մարզաշապիկը կհանձնիբարեգործության՝ Հայաստանում քաղցկեղով հիվանդ երեխաներին օգնելու նպատակով:
Մարզաշապիկի վրա ստորագրել են ՄՅՈւ-ի բոլոր ֆուտբոլիստները:
«Ի նշան երախտիքի ՄՅՈւ-ի երկրպագուներին և «Միկի. հայ հերոսը» վավերագրական ֆիլմում իրենց ներդրումն ունեցած մարդկանց, ես ակումբի բոլոր ֆուտբոլիստների անունից ստորագրած մարզաշապիկը հանձնում եմ բարեգործության՝ օգնելու Հայաստանում քաղցկեղով հիվանդ երեխաներին», -գրել է ֆուտբոլիստն իր ֆեյսբուքյան էջում:
Ավելի վաղ հայտնել էինք, որ Հայաստանի ֆուտբոլի հավաքականի ու «Մանչեսթեր Յունայթեդի» կիսապաշտպան Հենրիխ Մխիթարյանի տրանսֆերն «Արսենալ» հայտարարվել է պաշտոնապես: Տեղեկությունը հայտնվել է լոնդոնյան ակումբի վեբկայքում: