Երեւանում կայացած հանրահավաքների ժամանակ ընդդիմությունը օգտագործել է ստի եւ հոգեբանական դիվերսիայի բոլոր միջոցները
Ոչ մի քաղաքական նպատակ չի կարող ազդել Հայաստանի դատական իշխանությունների աշխատանքի վրա, այսօր մամլո ասուլիսի ժամանակ հայտարարել է ՀՀ գլխավոր դատախազ Աղվան Հովսեփյանը` մեկնաբանելով անկարգությունների համար ձերբակալվածներին ազատ արձակելու Լեւոն Տեր-Պետրոսյանի պահանջը: Աղվան Հովսեփյանի խոսքերով, առաջին նախագահի պահանջները անօրինական են: «Եթե Լեւոն Տեր-Պետրոսյանը ցանկանում է բանակցել եւ համագործակցել իշխանությունների հետ, ապա նա պետք է դա անի առանց որեւէ պայման ներկայացնելու»,- նկատել է Աղվան Հովսեփյանը:
Գլխավոր դատախազը նաեւ հերքել է լուրերն այն մասին, որ ձերբակալվածները հրաժարվում են փաստաբանի ծառայությունից: Աղվան Հովսեփյանը հավաստիացրել է, որ ձերբակալվածներն ունեն փաստաբաններ: Նա նաեւ հերքել է երեւանյան անկարգությունների արդյունքում եղած 50 զոհերի մասին լուրերը: «Բոլոր այդ լուրերը հոգեբանական դիվերսիայի արդյունք են, որոնք օգտագործում են Լեւոն Տեր-Պետրոսյանի կողմնակիցները: Հանրահավաքների ժամանակ ընդդիմությունը օգտագործել է ստի եւ հոգեբանական դիվերսիայի բոլոր միջոցները, եւ դա շարունակվում է նաեւ այսօր»,- հայտարարել է Աղվան Հովսեփյանը:
Գլխավոր դատախազը նաեւ հերքել է լուրերն այն մասին, որ ձերբակալվածները հրաժարվում են փաստաբանի ծառայությունից: Աղվան Հովսեփյանը հավաստիացրել է, որ ձերբակալվածներն ունեն փաստաբաններ: Նա նաեւ հերքել է երեւանյան անկարգությունների արդյունքում եղած 50 զոհերի մասին լուրերը: «Բոլոր այդ լուրերը հոգեբանական դիվերսիայի արդյունք են, որոնք օգտագործում են Լեւոն Տեր-Պետրոսյանի կողմնակիցները: Հանրահավաքների ժամանակ ընդդիմությունը օգտագործել է ստի եւ հոգեբանական դիվերսիայի բոլոր միջոցները, եւ դա շարունակվում է նաեւ այսօր»,- հայտարարել է Աղվան Հովսեփյանը:
