2017 թվականին 2016-ի համեմատ Հայաստանում ծառայությունների ծավալն աճել է 14,4%-ով՝ կազմելով 1,453.5 տրիլիոն դրամ:
Ազգային վիճակագրական ծառայության տվյալների համաձայն՝ մոտ 35%-ով աճել են տարբեր վիճակախաղերի՝ տեսախաղային տերմինալների, վիրտուալ մոլախաղերի և բուքմեյքերական գործունեություն ծավալող ընկերությունների ծառայությունների ծավալները՝ կազմելով մոտ 209 մլրդ դրամ:
Փոխարենը մոտ 5%-ով նվազել են խաղատների մատուցած ծառայությունները:
Հաշվետու ժամանակահատվածում մոտ 15%-ով աճել է նաև հյուրանոցային ծառայությունների ծավալը. հյուրանոցները մատուցել են 25,4 մլրդ դրամի ծառայություններ: Հանրային սննդի կազմակերպման ոլորտի ծառայություններն աճել են մոտ 18%-ով՝ կազմելով 83,6 մլրդ դրամ:
Արվեստի և հանդիսավոր ներկայացումների, գրադարանների, արխիվների, թանգարանների և այլ մշակութային կազմակերպությունների ծառայությունները հաշվետու ժամանակահատվածում աճել են մոտ 8%-ով: