Ռուսաստանցի գեղասահորդներն Օլիմպիական խաղերի պատմության մեջ առաջին անգամ մեդալ չեն նվաճել սառույցի վրա պարերում: Հարավային Կորեայում ընթացող Օլիմպիական խաղերում Եկատերինա Բոբրովա և Դմիտրի Սոլովյով զույգը 5-րդ տեղն է գրավել, իսկ Տիֆանի Զագորսկի-Ջոնաթան Գուրեյրո զույգը՝ 12-րդ:
Այսպիսով ընթացող Օլիմպիադան 1976-ից ի վեր, երբ պարերն ընդգրկվեցին օլիմպիական ծրագրում, առաջինն է, որտեղ ռուս կամ խորհրդային գեղասահորդներն այդ մարզաձևում մեդալ չեն նվաճել, գրում է Gazeta.ru-ն:
Ռուսաստանը ներկայացնող գեղասահքի աշխարհի և Եվրոպայի կրկնակի չեմպիոն Եվգենիա Մեդվեդևան (Բաբասյան) համաշխարհային ռեկորդով առաջին տեղն է գրավել Փհենչհանում մեկնարկած Օլիմպիական խաղերի թիմային մրցումների կարճ ծրագրում: Մեդվեդևային արդյունքը թույլ տվեց ՌԴ թիմին երկրորդ տեղը զբաղեցնել կարճ ծրագրերի թիմային մրցումներում և շարունակել պայքարը մեդալների համար:
