Լոս Անջելեսի ոստիկանությունը ձերբակալել է հոլիվուդյան դերասանուհի Ֆրենսիս Մակդորմանդից «Օսկարի» արձանիկը գողանալու մեջ կասկածվող անձին։ Այս մասին հայտնում է ամերիկյան Usatoday-ը։

Վերջինս մրցանակաբաշխության արարողութունից հետո կազմակերպված երեկույթի ժամանակ խլել է Մակդորմանդից արձանիկը, երբ դերասանուհին զրուցում էր երեկոյի հյուրերի հետ: Գողին հաջողվել էր թաքնվել:

Աղբյուրը հայտնում է, որ Մակդորմանդը լաց է եղել փողոցում՝ գողացված արձանիկը գտնելու անհաջող փորձերից հետո: Դեպքից ժամեր անց գողը հայտնաբերվել է, իսկ դերասանուհու ներկայացուցիչ Սիմոն Հոլզը հայտնել է, որ արձանիկը հետ են ստացել։

Մարտի 5-ին Լոս Անջելեսում տեղի ունեցած տարվա գլխավոր կինոմրցանակի` «Օսկարի» մրցանակաբաշխությանը Ֆրենսիս Մակդորմանդը հաղթել էր «Լավագույն կին դերասան» անվանակարգում՝ «3 բիլբորդն էբինգի սահմանին, Միսուրի նահանգում» ֆիլմում գլխավոր դերի համար։