Վ.Սարգսյանի փողոցի հատվածը Վիլսոնի պատվին վերանվանելու առաջարկը մերժվել է
Երևանի ավագանու մարտի 19-ի նիստում մերժվել է Վազգեն Սարգսյանի փողոցի մի հատվածը ԱՄՆ 28-րդ նախագահ Վուդրո Վիլսոնի անվանմբ վերանվանելու «Երկիր Ծիրանի» խմբակցության նախագիծը: Նախագծին կողմ են քվեարկել միայն ԵԾ խմբակցության անդամները:
«Հանրապետական կուսակցությունը» դեմ է քվեարկել, իսկ ԵԼՔ-ը հարցի քննարկումից առաջ լքել էր նիստերի դահլիճը:
Նախագծով Վիլսոնի փողոցը պետք է տեղակայված լիներ Կենտրոն վարչական շրջանի Վազգեն Սարգսյանի անվան փողոցի՝ Հանրապետության հրապարակի Հակոբ Պարոնյանի անվան երաժշտական կոմեդիայի պետական թատրոնից դեպի ՀՀ արտաքին գործերի և ՀՀ արդարադատության նախարարություններ տանող հատվածում:
Նախատեսվում էր նաև Վազգեն Սարգսյանի անվան փողոցի հարակից այգում տեղադրել Վուդրո Վիլսոնի հուշարձանը:
