ՌԴ Քննչական կոմիտեն քրեական գործ է հարուցել Ուկրաինայի ՆԳՆ ղեկավար Արսեն Ավակովի դեմ՝ ՌԴ նախագահի ընտրություններում ռուսաստանցիների քվեարկությանը խոչընդոտելու համար: Այդ մասին հայտնել է գերատեսչության պաշտոնական ներկայացուցիչ Սվետլանա Պետրենկոն:
Մարտի 18-ին Ուկրաինայի ոստիկաններն արգելափակել են Կիևում ՌԴ դեսպանատան և Օդեսայում, Խարկովում և Լվովում հյուպատոսությունների մուտքերը նախարար Ավակովի կարգադրությամբ, հայտնում է ՌԻԱ Նովոստին:
ՌԴ Քննչական կոմիտեն քրգործ է հարուցել ՔՕ 12 հոդվածով, որը թույլ է տալիս պատասխանատվության կանչել օտարերկրացիներին, որոնք հանցագործություն են կատարել ՌԴ սահմաններից դուրս, եթե այն ուղղված է եղել ռուսաստանցիների շահերի դեմ:
ՌԴ ԱԳՆ-ում հայտարարել են, որ Ուկրաինայի այդ որոշումն աննախադեպ էր, հակասում էր միջազգային նորմերին և դուրս է քաղաքակիրթ երկրների մասին պատկերացումներից:
Վաղաժամ քվեարկության շնորհիվ Ուկրաինայի տարածքում կարողացել էր ՌԴ նախագահի ընտրություններին մասնակցել 300 մարդ՝ այնտեղ բնակվող 72.000 ընտրողներից:
Ուկրաինան միակ պետությունն է, որն արգելել էր ՌԴ քաղաքացիներին քվեարկել իր տարածքում գտնվող դիվանագիտական ներկայացուցչություններում: