«Իմ քայլը» և «Մերժիր Սերժին» նախաձեռնությունների անդամների կողմից Հանրային ռադիոյի շենք ներխուժելու ընթացքում շենքը հոսանքազրկվել է«ռադիոյի կամքից անկախ»: Այս մասին է հայտարարվել է Հանրային ռադիոյի լրատվական թողարկման ընթացքում:
Նշվել է նաև, որ ռադիոյի գույքին վնաս է պատճառվել, ջարդվել է սենյակներից մեկի դուռ:
«ԱԺ պատգամավոր Նիկոլ Փաշինյանը պահանջել է խախտել մեր եթերի բնականոն գրաֆիկը, սակայն մենք առաջարկել ենք «Ստատուս Քվո» հաղորդաշարի շրջանակում բարձրաձայնել իր նպատակը, որով եկել էին ռադիո: Չէինք էլ հասցրել բանակցություններն ավարտել, երբ հոսանքազրկվել է հանրային ռադիոն մեզնից անկախ պատճառներով», - նշել է հաղորդավարը:
«Իմ քայլը» և «Մերժիր Սերժին» նախաձեռնությունների անդամները Մաշտոցի պողոտայից շարժվել են դեպի Ալեք Մանուկյան և ներխուժել են Հանրային ռադիոյի մասնաշենք: Շենքում մոտ մի քանի հարյուր ցուցարար կար:
Նիկոլ Փաշինյանը և ցուցարարները լքել են ռադիոյի շենքը:
