3 ոստիկան է տուժել իրավապահների պայթեցրած նռնակից
«Նաիրի» բժշկական կենտրոն է տեղափոխվել 3 ոստիկան: Այդ մասին հայտնել է բուժկենտրոնի փոխտնօրեն Անատոլի Գնունին:
«Երեք ոստիկան է մեզ դիմել, որոնց մոտ մանր բեկորային վնասվածքներ են: Ոստիկաններից մեկն այժմ գտնվում է վիրասրահում», - ասել է նա, հայտնում է Aysor.am-ը։
Անատոլի Գնունու խոսքով՝ ոստիկանների կյանքին վտանգ չի սպառնում։
«Նաիրի» բժշկական կենտրոն է տեղափոխվել նաև «Իմ քայլը» շարժման ղեկավար Նիկոլ Փաշինյանը, որի կյանքին ևս վտանգ չի սպառնում։«Նիկոլ Փաշինյանն ինձ հետ էր, պատնեշը ճեղքելիս ընկել է փշալարի վրա։ Վերջին տեղեկության համաձայն նրան տեղափոխեցին Նաիրի բժշկական կենտրոն», - հաղորդել է Տիգրան Ավինյանը։
