«Արսենալի» գլխավոր մարզիչ Արսեն Վենգերը պատմել է Հայաստանի հավաքականի և լոնդոնյան ակումբի կիսապաշտպան Հենրիխ Մխիթարյանի վերականգնման ընթացքի մասին:
«Մխիթարյանը սկսել է մարզվել, առաջիկա 3-4 օրերին նա կկարողանա ավելացնել ծանրաբեռնվածությունը: Հնարավոր է, նա պատրաստ լինի մինչև «Ատլետիկոյի» հետ հանդիպումը Չեմպիոնների լիգայի շրջանակում: Դա հնարավորինս ամենամոտ ժամկետն է»,-ասել է Վենգերը, գրում է Sports.ru-ն The Independent-ի վրա հղումով:
«Եվրոպայի լիգան գլխավոր առաջնությունն է մեզ համար: Ես հանգիստ էի տվել մի շարք ֆուտբոլիստների ԲԿՄԱ հետ խաղից հետո, այժմ նրանց խաղարկային ժամանակ է պետք»,-ասել է Վենգերը:
Մխիթարյանը վնասվածք էր ստացել ապրիլի 5-ին ԲԿՄԱ հետ հանդիպման ժամանակ, որտեղ լոնդոնյան ակումբը հաղթեց 4:1 հաշվով: Նա ծնկի վնասվածք է ստացել: