Հայտնի դերասան Մկրտիչ Արզումանյանը՝ Մկոն, ՀՀ-ում կատարվող իրադարձությունների պատճառով հայտարարել է վաստակավոր արտիստի կոչումից հրաժարվելու մասին;
«Անընդունելի եմ համարում ուժի կիրառումն անզեն ու խաղաղ ժողովրդի նկատմամբ։ Դատապարտում եմ իշխանության բռնի գործողությունները հայրենակիցներիս հանդեպ։ Հրաժարվում եմ այս կոչումից», - ասել է նա Facebook-ում։
ԱՄՆ-ում բնակվող երգչուհի Էռնա Յուզբաշյանը ևս տեղեկացրել է, որ հրաժարվում է վաստակավոր արտիստի կոչումից. «Կարծում եմ, որ իմ երկրի երջանկությունը և բարգավաճումը կարևոր է բոլոր մեդալներից և կոչումներից»,- գրել է նա:
Վաստակավոր արտիստի կոչումից հրաժարվել է նաև «Կադանս» երաժշտության կենտրոնի հիմնադիր և գործադիր տնօրեն Նիկա Բաբայանը՝ «Հայրենիքումս տիրող վիճակի և այսօրվա անարդար ձերբակալումների պատճառով»:
Սերժ Սարգսյանի ու պատգամավոր Նիկոլ Փաշինյանի կարճատև հանդիպմանը հաջորդած դեպի Էրեբունի թաղամաս երթին հաջորդել է Փաշինյանի ու իր կուսակից պատգամավորներ Սասուն Միքայելյանի և Արարատ Միրզոյանի բերման ենթարկումն ու ձերբակալությունը։ Երթերը, սակայն, չեն դադարում:
