Ապրիլի 28-ին, ընդունելով Ամենայն Հայոց կաթողիկոս Գարեգին Երկրորդի հրավերը, ՀՀ ԱԺ ԵԼՔ խմբակցության ղեկավար, «Քաղաքացիական պայմանագիր» կուսակցության առաջնորդ Նիկոլ Փաշինյանն այցելել է Մայր Աթոռ Սուրբ Էջմիածին:
Հանդիպմանը քննարկվել են Հայաստանի ներքաղաքական իրավիճակին վերաբերող հարցեր:
Հանդիպման մասին իր ֆեյսբուքայն էջում գրառում է կատարել նաև Նիկոլ Փաշինյանը:
«Քիչ առաջ Էջմիածնում հանդիպում ունեցա Ամենայն հայոց կաթողիկոս Գարեգին Բ-ի հետ։ Քննարկեցինք երկրում ստեղծված իրավիճակը և լուծման ուղիները»,-ասվում է գրառման մեջ։
Կաթողիկոսի հետ հանդիպումից հետո Փաշինյանն իր կողմնակիցների հետ ավտոերթով ուղևորվել է դեպի Իջևան, հետո՝ Վանաձոր: