Մայիսի 2-ին գյումրեցիները մտել են քաղաքապետարանի շենք ու պահանջում են, որ քաղաքապետ Սամվել Բալասանյանը դուրս գա և միանա իրենց:
Բալասանյանը քաղաքապետ է դարձել ՀՀԿ ցուցակով, բայց տարիներ առաջ նա ԲՀԿ անդամ էր, ինչպես նաև նախորդ գումարման ԱԺ-ում ԲՀԿ խմբակցության պատգամավոր:
Գյումրիի որոշ դպրոցների և բուհերի աշակերտներն ու ուսանողները դասադուլ են անում:
Մայիսի 2-ին Հայաստանում նոր թափով վերսկսվել են բողոքի ակցիաները երկրի իշխանությունների դեմ: Երևանի ժամանակով 8:15-ից հազարավոր մարդիկ են դուրս եկել փողոց արգելափակելով երթևեկությունը երկրի տարբեր քաղաքներու, ինչպես նաև մայրուղիները:
Մեկ ժամվա ընթացքում գրեթե ամբողջովին դադարեցվել է երթևեկությունը Երևանում, փակ են մայրուղիները: Ցուցարարներին հաջողվել է նաև փակել դեպի օդանավակայան տանող ճանապարհը:
