Բոլոր մարզպետները փոխվելու են: Այդ մասին հայտարարել է տարածքային կառավարման և զարգացման նախարար Սուրեն Պապիկյանը լրագրողների հետ զրույցում:
Նրա խոսքով, սակայն, այս պահին ոչ մի որոշում դեռ չկա, հայտնում է Aysor.am-ը:
«Առաջիկայում կնշանակվեն, վարչապետը սահմանադրությամբ իրեն տրված լիազորությունների շրջանակում կառավարությանը կներկայացնի նոր մարզպետներին», - ասել է նախարարը:
Նախարարը նշել է նաև, թե ՀՅԴ-ի ու «Ծառուկյան» դաշինքի ներկայացուցիչներին մարզպետներ նշանակելու մասին որոշում այս պահին չկա։
Անդրադառնալով այն հարցին, որ ՀՀԿ-ական մարզպետները հրաժարական չեն տվել՝ նախարարն ասել է. «Իրադրություն է փոխվել: Մինչ այս պահը շարունակել են պաշտոնավարել, որովհետև եղել են մարզպետներ, հիմա կլինի որոշում փոփոխել, կփոխվեն: Բոլորը պիտի փոխվեն»: