ՀՀ տնտեսական զարգացման և ներդրումների նախարարության զբոսաշրջության պետական կոմիտեի նախաձեռնությամբ Հայաստանի զբոսաշրջության զարգացման հիմնադրամը պատրաստել է Հայաստանի մասին գովազդային տեսահոլովակներ:
Տեսահոլովակները «Տաշիր» բարեգործական հիմնադրամի աջակցությամբ արդեն ցուցադրվում են Մոսկվայի և հարակից շրջանների «Տաշիր գրուպին» պատկանող առևտրի կենտրոնների ֆասադային հսկայական էկրաններին։ Այդ մասին ասվում է ՀՀ տնտեսական զարգացման և ներդրումների նախարարության զբոսաշրջության պետական կոմիտեի ֆեյսբուքյան էջում:
Գովազդային հոլովակները շուտով կցուցադրվեն նաև կինոթատրոններում՝ գեղարվեստական ֆիլմի ցուցադրումից առաջ։
Ռուսաստանի Դաշնությունը Հայաստանի համար առաջնային զբոսաշրջային շուկաներից է և այստեղ մարքեթինգային միջոցառումները շարունակական բնույթ են կրում: