Մայիսին սննդամթերքն էժանացել է 2,8%-ով
2018 թվականի մայիսին ապրիլ ամսվա համեմատ սննդամթերքն էժանացել է 2,8%-ով: Ազգային վիճակագրական ծառայության տվյալների համաձայն, սպառողական շուկայում գրանցվել է 1%-անոց գնանկում:
0,3%-ով էժանացել են տնային գործածության առարկաները, կենցաղային տեխնիկան, 1,1%-ով՝ հանգիստը և մշակույթը:
Փոխարենը, 0,6%-ով թանկացել են ալկոհոլային խմիչքն ու ծխախոտը, 0,8%-ով՝ հագուստը և կոշկեղենը, 0,7%-ով՝ տրանսպորտը:
2018 թվականի ապրիլին սպառողական շուկայում գրանցվել էր 0,3%-անոց գնանկում:
