Հունիսի 27-ին ՀՀ կառավարությունն արտահերթ դռնփակ նիստ է հրավիրել: Նիստի օրակարգը հրապարկված է Հայաստանի Հանրապետության էլեկտրոնային կառավարման E-gov.am հարթակում:
Նիստի օրակարգում ընդգրկված է երկու հարց, որոնցից մեկը գաղտնի է: Հարցը զեկուցելու է ՀՀ ֆինանսների նախարար Ատոմ Ջանջուղազյանը:
Մյուս հարցով նախատեսվում է քննարկել «Թմրամիջոցների և հոգեմետ նյութերի մանր, զգալի, խոշոր և առանձնապես խոշոր չափերը, շրջանառությունն արգելված՝ թմրամիջոցներ, հոգեմետ, խիստ ներգործող կամ թունավոր նյութեր պարունակող բույսերի ցանկը, դրանց մանր, զգալի, խոշոր և առանձնապես խոշոր չափերը, թմրամիջոցների և հոգեմետ նյութերի պրեկուրսորների խոշոր և առանձնապես խոշոր չափերը, թունավոր նյութերի ցանկը, խիստ ներգործող նյութերի ցանկը և դրանց խոշոր չափերը սահմանելու մասին» օրենքի նախագիծը:
Զեկուցում է ՀՀ առողջապահության նախարար Արսեն Թորոսյանը: