Տեղեկություններ են հայտնվել, որ Իլոն Մասկը սմարթֆոն կթողարկի: Համացանցում հայտնվել են Իլոն Մասկի Tesla ընկերության արտադրության սմարթֆոնի առջևի և հետևի պանելների պատկերները: Սմարթֆոնի ծածկանունն է Quadra, գրում է Lenta.ru-ն GizChina-ի վրա հղումով:

Սմարթֆոնի մշակման մասին առաջին տեղեկությունները հայտնվեցին 2017-ի նոյեմբերին: Դատելով պատկերներից՝ հեռախոսը առանց շրջանակի դիսփլեյ կունենա, որի վերին մասում հատուկ տեղ կլինի դինամիկի կամ ֆրոնտալ տեսախցիկի համար: Հետին պանելին Tesla-ի մեծ լոգոտիպը կլինի, հիմնական դինամիկն ու կրկնակի տեսախցիկի համար նախատեսված տեղերը:

Ակնկալվում է, որ առաջիկայում առավել մանրամասն տեղեկություն կհայտնվի Quadra-ի մասին՝ սմարթֆոնի բնութագրերը, վաճառքի մեկնարկն ու մոտավոր գինը:

2017-ի նոյեմբերին Tesla-ն հատուկ լիցքավորման սարք թողարկեց 3350 միլիամպեր/ժամ ծավալով: Արժեքը 45 դոլար է: