ՀՀ ազգային անվտանգության ծառայության պետ Արթուր Վանեցյանը լրագրողների հետ զրույցում հերքել է ծառայության կողմից ՀՀ ԱԺ արտաքին հարաբերությունների մշտական հանձնաժողովի նախագահ, «Հանրապետական» խմբակցության պատգամավոր Արմեն Աշոտյանին հարցաքննության կանչելու մասին լուրը:
«Չկա նման բան, հերքում եմ», - լրագրողներից հարցին ի պատասխան՝ ասել է Վանեցյանը:
Ավելի վաղ, լուրեր են դրվել շրջանառության մեջ՝ իբրև թե ՀՀ ԱԺ արտաքին հարաբերությունների մշտական հանձնաժողովի նախագահ, «Հանրապետական» խմբակցության պատգամավոր Արմեն Աշոտյանը կանչվել է հարցաքննության: