«Տաշիր» ընկերությունների խմբի հիմնադիր և նախագահ, հայտնի ռուսաստանահայ գործարար Սամվել Կարապետյանն ընդգրկվել է ռուսաստանյան Forbes-ի ՌԴ ամենաազդեցիկ 100 մարդկանց ցանկում:

Կարապետյանը վարկանիշում 95-րդն է:

Ցուցակը գլխավորում է ՌԴ նախագահ Վլադիմիր Պուտինը: Նա ինքնաբերաբար է հայտնվել առաջին հորիզոնականում, քանի որ ըստ ամերիկյան Forbes-ի աշխարհի ամենաազդեցիկ մարդկանց վարկանիշում երկրորդն է:

Ամենաազդեցիկ ռուսաստանցիների թվում են պաշտոնյաներ, գործարարներ, թոփ մենեջերներ, ուժայիններ: Հաշվի են առնվել այնպիսի չափանիշներն, ինչպիսիք են աշխատակիցների քանակը, ակտիվների կամ կառավարվող բյուջեի չափը, մարդկանց կյանքի վրա ազդելու հնարավորությունը, ինչպես նաև նախագահին մոտ լինելը:

Գործարարներն ու ընկերությունների ղեկավարները լրացուցիչ միավորներ են ստացել, եթե հրավիրվում են նախագահի հետ ամենամյա հանդիպումներին, իսկ պաշտոնյաները՝ եթե «Միասնական Ռուսաստանի» անդամ են:

«Տաշիր» ընկերությունների խմբի սեփականատեր Սամվել Կարապետյանը ընդգրկվել էր նաև ՌԴ անշարժ գույքի «արքաների» Forbes-ի հերթական վարկանիշում:Կարապետյանը վաստակել է $650 մլն։Կարապետյանն ընդգրկվում է «Անշարժ գույքի արքաների» ցանկում առաջին իսկ վարկանիշի հրապարակումից ի վեր: Ըստ հանդեսի, գործարարի եկամուտը վարձակալությունից 2011-ին կազմել է $565 մլն, 2012-ին` $720 մլն, 2013-ին` $960 մլն, 2014-ին` $1,08 մլրդ, 2015-ին` $610 մլն, 2016-ին՝ $670 մլն։