Եվրոպայի խորհրդի Գլխավոր քարտուղարի տեղակալ Մոդ դե Բյոր-Բուքիքիոն կայցելի Երեւան մայիսի 20-ին ՀՀ Աշխատանքի եւ սոցիալական հարցերի նախարարության կողմից կազմակերպվող ներընտանեկան բռնությանը նվիրված համաժողովին մասնակցելու նպատակով: Ինչպես հաղորդում է ԵԽ երեւանյան գրասենյակի մամլո ծառայությունը, այցի ընթացքում տկն. դե Բյոր-Բուքիքիոն հանդիպումներ կունենա Ազգային ժողովի նախագահ Տիգրան Թորոսյանի, Վարչապետ Տիգրան Սարգսյանի, Արտաքին գործերի նախարար Էդվարդ Նալբանդյանի, Արտաքին գործերի փոխնախարար Արման Կիրակոսյանի, Արդարադատության նախարար Գեւորգ Դանիելյանի, Աշխատանքի եւ սոցիալական հարցերի նախարար Աղվան Վարդանյանի եւ Մարդու իրավունքների պաշտպան Արմեն Հարությունյանի հետ: