«Ուրալյան ավիաընկերություններ» ռուսական ընկերությունը մի քանի ուղիղ չվերթ է գործարկում Անապայից դեպի ԱՊՀ երկրներ: Մասնավորապես թռիչքներ կիրականացվեն դեպի Հայաստան և Ղրղզստան:

2018-ի հոկտեմբերի 29-ից կանոնավոր ուղիղ չվերթներ կիրականացվեն Անապայից Երևան, ինչպես նաև՝ Օշ: Թռիչքները նոր ուղղություններով կիրականացվեն Airbus-ով, գրում է «Կոմերսանտը»:

Թռիչքներն իրականացվելու են առանց միջանկյալ վայրէջքների: Անապա-Երևան չվերթը կիրականացվի երկուշաբթի և հինգշաբթի օրերին: Թռիչքն Անապայից 14:40-ին: Ժամանումը Երևան նախատեսվում է 17:10-ին: Տոմսի արժեքը «Պրոմո» սակագնով կկազմի 3241 ռուբլի ( մոտ 23,000 դրամ), իսկ «Էկոնոմ» սակագնով՝ 5671 ռուբլուց (մոտ 40,400 դրամ) սկսած:

Երևան-Անապա թռիչքը կիրականացվի երկուշաբթի և հինգշաբթի օրերին, թռիչքը՝ 18:00-ին, ժամանումը՝ 18:35-ին: Տոմսի արժեքը «Պրոմո» սակագնով կկազմի սկսած 4528 ռուբ. (մոտ 32,300 դրամ), իսկ «Էկոնոմ» սակագնով՝ 5671 ռուբլուց (մոտ 49,000 դրամ) սկսած: