ՀՀ վճռաբեկ դատարանը սեպտեմբերի 19-ին կայացրած որոշմամբ վարույթ է ընդունել ՀՀ գլխավոր դատախազ Արթուր Դավթյանի և ՀՀ երկրորդ նախագահՌոբերտ Քոչարյանի շահերի պաշտպաններ Հայկ Ալումյանի, Ռուբեն Սահակյանի, Արամ Օրբելյանի և Հովհաննես Խուդոյանի վճռաբեկ բողոքները: Այդ մասին հայտնել է Ռոբերտ Քոչարյանի փաստաբանական խումբը:
Բողոքները ներկայացվել են օգոստոսի 13-ին ՀՀ վերաքննիչ դատարանի կայացրած՝ Ռոբերտ Քոչարյանի խափանման միջոցը վերացնելու մասին որոշման դեմ։
Ավելի վաղ ՀՀ երկրորդ նախագահ, Մարտի 1-ի գործով մեղադրյալ Ռոբերտ Քոչարյանի պաշտպանները վճռաբեկ բողոք էին ներկայացրել: Քոչարյանին անձեռնմխելի ճանաչելու վերաբերյալ Վերաքննիչ դատարանի որոշման դեմ վճռաբեկ բողոք էր ներկայացրել նաև ՀՀ գլխավոր դատախազությունը:
Առաջին ատյանի դատարանը բավարարել էր Ռոբերտ Քոչարյանին կալանավորելու միջնորդությունը, իսկ Վերաքննիչ դատարանը Քոչարյանին ճանաչել է անձեռնմխելի և ազատ արձակվել նրան:
