ՀՀ նախագահ Արմեն Սարգսյանի հրամանագրով ՀՀ ԱԳՆ խոսնակ Տիգրան Բալայանը նշանակվել է Նիդերլանդներում ՀՀ դեսպան։
Մեկ այլ հրամանագրով Բալայանը նշանակվել է Քիմիական զենքի արգելման կազմակերպությունում Հայաստանի Հանրապետության մշտական ներկայացուցիչ (նստավայրը՝ Հաագա):
«Եզրագծին մոտեցավ Հայաստանի արտգործնախարարության մամուլի խոսնակի իմ տասնամյա ծառայությունը։ Երախտագիտությամբ ընդունել եմ եվրոպական երկրներից մեկում ՀՀ դեսպանի պաշտոնը ստանձնելու առաջարկը»,-նշել է Բալայանը ֆեյսբուքյան իր էջում։
Բալայանն ԱԳՆ խոսնակ էր 2008 թվականից։