Շարմազանով. Առանց նախկին հանցագործությունները ճանաչելու հնարավոր չէ խուսափել նորերից
ՀՀ ԱԺ նախագահի տեղակալ Էդուարդ Շարմազանովը, Թուրքիայում Եվրասիական պետությունների խորհրդարանների ղեկավարների 3-րդ միջազգային համաժողովին խոսելով Հայոց ցեղասպանության ճանաչման մասին, ասել է, որ առանց նախկին հանցագործությունների ճանաչման, հնարավոր չէ խուսափել նոր հանցագործություններից:
«Ես` որպես Ցեղասպանությունից փրկված ժողովրդի ժառանգ, այս ամբիոնից ելույթ ունենալով, հայտարարում եմ, որ առանց նախկին հանցագործությունների ճանաչման, հնարավոր չէ խուսափել նոր հանցագործություններից», - ասել է Շարմազանովը:
Փոխխոսնակը, անդրադառնալով հայ-թուրքական հարաբերություններին, նշել է, որ Հայաստանը միշտ հանդես է եկել Թուրքիայի հետ երկկողմ հարաբերությունների զարգացմանն առանց նախապայմանների: Նա անընդունելի է որակել Թուրքիայի կողմից Հայաստանի շրջափակումը:
