WhatsApp մեսենջերի թիմը շուտով օգտատերերի տարբերակման նոր գործառույթ կներմուծի հավելվածում՝ դեմքով և մատնահետքերով:

Խոսքը WhatsApp-ի iOS-ի համար նախատեսված տարբերակի մասին է, iPhone-ի օգտատերերին մեսենջերը հասանելի կլինի Touch ID-ով կամ Face ID-ով, գրում է Ferra.ru-ն WABetaInfo ռեսուրսի վրա հղումով:

WhatsApp-ի նոր հնարավորությունը հայտնաբերվել է հավելվածի վաղ թեստային ալֆա տարբերակում, որը դեռևս հասանելի չէ օգտատերերի լայն շրջանակին: Հավելվածի կարգաբերումներում նոր օպցիա է ավելանում Touch ID-ի կամ Face ID-ի համար, եթե սմարթֆոնը պիտանի է Face ID-ի համար:

Ակտիվացումից հետո հավելվածը ամեն բացվելու հետ սկսում է լրացուցիչ ինքնանույնականացում պահանջել՝ ավելացնելով անվտանգության նոր մակարդակ: