ՀՅԴ-ն արտահերթ խորհրդարանական ընտրություններին դաշինքով չի մասնակցելու: Այս մասին լրագրողների հետ զրույցում հայտարարել է ԱԺ «Հ. Յ. Դաշնակցություն» խմբակցության ղեկավար Արմեն Ռուստամյանը:
«Մենք ունենք մեր ասելիքը, մտահոգությունները: Տեսնում ենք որոշակի վտանգներ ներկա փուլում, և այդ առումով որպես ընդդիմություն մասնակցելու ենք ու ներկայացնելու ենք ժողովրդին մեր մոտեցումներն ու ասելիքները: Դաշնակցությունն առանձին է գնացել ընտրություններին միշտ, այն քաղաքական դաշտում ունի իր առանձնահատկությունները և գերադասում է այս անգամ էլ առանձին մասնակցել ընտրություններին», - ասել է Ռուստամյանը:
Ավելի վաղ խորհրդարանը չի ընտրել վարչապետ: Եվս մեկ անգամ վարչապետ չընտրելու դեպքում, այն կարձակվի օրենքի ուժով, և դեկտեմբերին կանցկացվեն արտահերթ խորհրդարանական ընտրություններ:
