Վարչապետի ժամանակավոր պաշտոնակատար Նիկոլ Փաշինյանը չի բացառել, որ ֆորմալ առումով կարող է կրկին առաջադրվել վարչապետի պաշտոնում՝ նախորդ անգամ խորհրդարանում ունեցած ելույթը շարունակելու համար, հայտնում է Aysor.am-ը։
Հոկտեմբերի 31-ին ավարտվում է վարչապետի ընտրության երկրորդ փուլում թեկնածուների առաջադրման ժամկետը, իսկ նոյեմբերի 1-ին կայանալու է ընտրությունը։
«Նախորդ անգամ չհասցրեցի ասել այն ամենը, ինչ կցանկանայի ասել։ Մասնավորապես, տնտեսական ոլորտին անդրադառնալու ժամանակ չմնաց։ Չի բացառվում, որ նաև տնտեսական ներկա իրավիճակին ու նաև ռազմավարությանն անդրադառնալու համար և նաև այլ քաղաքական նկատառումով, առաջադրվեմ վարչապետի պաշտոնում», -հայտարարել է Փաշինյանը։
Ավելի վաղ խորհրդարանը չի ընտրել վարչապետ: Եվս մեկ անգամ վարչապետ չընտրելու դեպքում, այն կարձակվի օրենքի ուժով, և դեկտեմբերին կանցկացվեն արտահերթ խորհրդարանական ընտրություններ: