Փաշինյան. Նախընտրական մեծ բանավեճը պետք է ամրագրվի Ընտրական օրենսգրքում
ՀՀ վարչապետի պաշտոնակատար, «Իմ քայլը» դաշինքի առաջնորդ Նիկոլ Փաշինյանն առաջարկել է նախընտրական մեծ բանավեճն ամրագրել «Ընտրական օրենսգրքում»:
«Կարծում եմ՝ նոր «Ընտրական օրենսգրքում» նախընտրական մեծ բանավեճը պետք է ամրագրվի որպես պարտադիր պայման՝ ընտրություններին մասնակցող ուժերի առաջին դեմքերի մակարդակով: Երեկվա բանավեճը, իհարկե, կայացավ: Սա Նոր Հայաստան է», - գրել է նա:
Դեկտեմբերի 5-ին Հանրային հեռուստաընկերության եթերում տեղի է ունեցել արտահերթ խորհրդարանական ընտրություններին մասնակցող քաղաքական ուժերի համամասնական ցուցակների առաջնորդների մասնակցությամբ նախընտրական բանավեճ: Բանավեճը տևել է ավելի քան երեք ժամ:
