Հայաստանը ցանկանում է կիրառել Վրաստանի պարեկային ծառայության մոդելը: Այդ մասին հայտարարել է ՀՀ ոստիկանապետ Վալերի Օսիպյանը Թբիլիսիում Վրաստանի ՆԳՆ ղեկավար Գեորգի Գախարիայի հետ հանդիպմանը:
Նա հավելել է, որ այդպիսի ծառայություն Հայաստանում կստեղծվի արդեն 2019-ին, հայտնում է «Գրուզիա օնլայնը»:
«Մեր երկրում հիմա ոստիկանության բարեփոխում է իրականացվում: Մենք հետաքրքրված ենք Վրաստանի պարեկային ծառայության գործունեությամբ: Մենք ցանկանում ենք այդ մոդելն օգտագործել մեր երկրում...2019-ին մեզ մոտ արդեն նոր պարեկային ծառայություն կձևավորվի»,-ասել է ՀՀ ոստիկանապետը:
Կողմերը քննարկել են երկկողմ համագործակցության հարցեր: Վրաստանի ՆԳՆ ղեկավարը հայ պաշտոնակցին է ներկայացրել գերատեսչությունում իրականացվող բարեփոխումները:
ՀՀ պատվիրակությունը Վրաստանում է երկօրյա այցով: