Հունվարի 8-ին զինակոչիկներին տեղափոխող ավտոբուսի հետ կապված միջադեպի առթիվ ՀՀ գլխավոր դատախազությունում քրեական գործ է հարուցվել՝ խուլիգանության հատկանիշներով:
PanARMENIAN.Net ի հետ զրույցում այս մասին հայտնեց ՀՀ ԳԴ հանրային կապերի բաժնի պետ Արևիկ Խաչատրյանը:
Նա նշեց նաև, որ հսկողությունն իրականացնում է Զինվորական դատախազությունը:
Ավելի վաղ մի խումբ երիտասարդներ քաղաքացիական մեքենաներով շրջափակել են դեպի հավաքակայան մեկնող զինակոչիկների ավտոբուսը, հարվածելով դռանը ներս են մտել, հայհոյել վարորդին, այնուհետև լեզվակռվի բռնվել անցորդների հետ։
ՀՀ պաշտպանության նախարարությունը դատապարտել է կատարվածը և հայտարարել, որ Ռազմական ոստիկանությունը համապատասխան նյութեր է նախապատրաստում: