Human Rights Watch միջազհային իրավապաշտպան կազմակերպության 2019 թվականի զեկույցում դիտարկվել են Հայաստանի Հանրապետությունում մարդու իրավունքների խնդիրները Թավշյա Հեղափոխությունից հետո:
Նշվում է, որ ՀՀ նոր իշխանությունները կոռումպացված ու մարդու իրավունքների հետ կապված խնդիրներով երկիր է ժառանգել նախորդ իշխանություններից:
«ՀՀ վարչապետ Նիկոլ Փաշինյանի կառավարության ժառանգություն ստացած խնդիրներից է ոստիկանության կողմից անհամաչափ ուժի կիրառումը՝ խաղաղ ցույցերը ցրելու ժամանակ: Նոր կառավարությունը որոշակի առաջընթաց է գրանցել նախորդ տարիների չարաշահումները բացահայտելու գործում: Վերաբացվել է 2008 թվականի Մարտի 1-ի արյունալի իրադարձությունների քննությունը, իշխանությունները մեղադրանք են ներկայացրել նախկին նախագահ Ռոբերտ Քոչարյանին և երկու հրամանատարի», - գրված է զեկույցում:
Ընդգծվում է նաև, որ հին բողոքների հիման վրա քրեական գործերը վերաբացելիս իշխանությունները «պետք է հարգեն բոլոր կալանավորվածների իրավունքները, ապահովեն դատական համակարգի անկախությունը»:
