Երևան քաղաքի ընդհանուր իրավասության դատարանը՝ դատավոր Արթուր Մկրտչյանի նախագահությամբ, ևս երկու ամսով երկարաձգել է Մարտի 1-ի գործով մեղադրյալ ՀՀ երկրորդ նախագահ Ռոբերտ Քոչարյանի կալանքը: Այս մասին լրագրողների հետ զրույցում հայտնել է Քոչարյանի պաշտպան Արամ Օրբելյանը։
Այսպիսով, դատարանը բավարարել է ՀՀ հատուկ քննչական ծառայության միջնորդությունը, և միևնույն ժամանակ մերժել է Քոչարյանի պաշտպանների՝ նրան գրավի դիմաց ազատելու վերաբերյալ միջնորդությունը:
Վերաքննիչ քրեական դատարանը դեկտեմբերի 7-ին որոշել է անփոփոխ թողնել առաջին ատյանի դատարանի որոշումը, ինչից հետո Քոչարյանը կալանավորվել է: