Մեքսիկայում խողովակաշարի պայթյունի հետևանքով զոհվածների թիվը հասել է 85-ի: Այդ մասին հայտնել է երկրի առողջապահության նախարար Խորխե Ալկոսերը:
Նա հայտնել է նաև, որ հիվանդանոցներում 58 տուժած կա, հայտնում է ՌԻԱ Նովոստին:
Հզոր պայթյունն ու հրդեհը խողովակաշարում տեղի է ունեցել հունվարի 19-ին, երբ հարյուրավոր մարդիկ վառելիք էին գողանում Իդալգո նահանգում: Մարդիկ իրենց տարաներն էին լցնում խողովակաշարում արված անցքից, երբ որոտացել է պայթյունը:
Բենզինի գողությունը մեծ խնդիր է դարձել Մեքսիկայում: Ըստ Pemex կոնցերնի, 2018-ին յուրաքանչյուրը կես ժամը մեկ բենզինի գողության փաստ է գրանցվել: Իդալգո նահանգի նահանգապետը կոչ է արել բնակիչներին կասեցնել բենզինի գողությունները:
2019-ի սկզբից Մեքսիակյի նոր կառավարությունը պայքար է սկսել բենզինի գողության դեմ: Մի քանի խողովակաշարերով բենզինի տեղափոխումը կասեցվել է, վառելիքը սկսել են տրանսպորտով տեղափոխել:
