Վայոց ձորի մարզպետի տեղակալ Ռազմիկ Տոնոյանն անդրադարձել է ԱԺ ԲՀԿ խմբակցության պատգամավոր Սերգեյ Բագրատյանի հայտարարությանն այն մասին, որ բարոյական չէ մարզպետի կողմից ինքն իրեն պարգևատրելու գործառույթի իրականացումը: Այդ մասին նա գրառում է կատարել իր ֆեյսբուքյան էջում:
Տոնոյանը հիշեցրել է, որ Վայոց Ձորի նախկին մարզպետ Սերգեյ Բագրատյանն իր պաշտոնավարման ընթացքում պարգևատրել է ինքն իրեն:
«Իր պաշտոնավարման ընթացքում Վայոց Ձորի նախկին մարզպետ Սերգեյ Բագրատյանը 2010-2011թթ-ին պարգևատրել է ինքն իրեն.(գրավոր հարցման դեպքում կարող ենք ներկայացնել հիմնավոր փաստաթղթեր)»,-ասվում է գրառման մեջ:
Սերգեյ Բագրատյանը 2010 թ. հուլիսի 8-ին ՀՀ Կառավարության որոշմամբ նշանակվել է Վայոց ձորի մարզպետ, իսկ 2012 թ. հունիսի 7-ին ՀՀ կառավարության որոշմամբ ազատվել է Հայաստանի Հանրապետության Վայոց ձորի մարզպետի պաշտոնից՝ իր դիմումի համաձայն:
